ئێستا شه‌ڕی داهێنانه‌كان زۆر قورس بووه سه‌باره‌ت به كۆمپانیا ته‌كنه‌لۆژیه‌كان، له‌م رووه‌وه‌ش كۆمپانیای نۆكیا و هه‌ندێ كۆمپانیای گه‌وره‌ی تر هه‌ستاون به‌گرتنه‌به‌ری چه‌ند هه‌نگاوێكی پێویست بۆ ئه‌وه‌ی دووربن له‌و شه‌ڕه چاوه‌ڕوانكراوه‌ی داهێنانی نه‌وه‌ی پێنجه‌می تۆڕی په‌یوه‌ندیه‌كان له‌داهاتوودا له‌كاتی ئاشكراكردنی مافی ماددی داهێنای نه‌وه‌ی پێنجه‌م (5G).
مانگی حه‌وت وه‌شانی 5Gی نێوده‌وڵه‌تی ده‌رچوو، ئه‌مه‌ش ئه‌وه ڕوونده‌كاته‌وه كه تۆڕه‌كه چۆن ده‌بێت به‌ڕوونی (كاتی ده‌رچوونی به‌ته‌واوی به‌دیار ده‌كه‌وێت) له‌گه‌ڵ ئه‌و ئامێرانه‌ی كه به‌رده‌ستن بۆ كارپێكردنی، ئه‌مه‌ش پشت ده‌به‌ستێ به شاره‌زایی و ڕووداوه‌كان له‌لایه‌ن ژماره‌یه‌ك له‌كۆمپانیاكانی په‌یوه‌ندی بێ ته‌ل له‌وانه‌ش Qualcomm، Huawei، Ericsson، Samsung وه نۆكیاش له‌به‌رامبه‌ردا به‌شداره له‌بنیاتنانی ئه‌و ته‌كنه‌لۆژیایه، به‌شێوه‌یه‌ك ڕێده‌درێت به‌هه‌ر كۆمپانیایه‌ك به‌شی خۆی له دروستكه‌رانی ئامێره‌كان وه‌ربگرێت. واتا بۆ نمونه كۆمپانیای ئه‌پڵ و گوگڵ بڕێك پاره ده‌ده‌ن له‌به‌رامبه‌ر هه‌ر ئامێرێك كه نه‌وه‌ی پێنجه‌م به‌كاردێنێت.
پشكی نۆكیا دیاریكرا به‌بڕی 3 یۆڕۆ واتا 3.48 دۆلار بۆ هه‌ر ئامێرێك، له‌كاتێكدا ئه‌ریكسۆن بڕێكی گۆڕاوی داناوه له 2.50 تاوه‌كو 5 دۆلار بۆ هه‌ر ئامێرێك، له‌م به‌شكردنه كۆمپانیای كوالكۆم پشكه‌كه‌ی 2.275%ی نرخی ئامێره‌كه‌یه به كۆ بۆ هه‌ر ئامێرێك به نه‌وه‌ی پێنجه‌م كاربكات یان ڕێژه‌ی 3.25% له‌نرخی مۆبایلی هه‌مه‌كاره ئه‌مه‌ش به‌رزترین ژماره‌یه له‌چاو كۆمپانیاكانی تر.
به‌ڵام شتی باشتر چاوه‌ڕێ ده‌كرێت ، ئه‌پڵ نرخی مۆبایلی له 500$ه‌وه بۆ 400$ كه‌مكردۆته‌وه ئه‌مه‌ش پشكی داهێنانه‌كانی كه‌مكردۆته‌وه كه پێشتر 16.25 بۆته 13 دۆلار.
هه‌ندێك كۆمپانیاش هێشتا به‌شی خۆی ئاشكرا نه‌كردووه وه‌كو هواوه‌ی به‌ڵام پێناچێت بڕه‌كه‌ی زۆربێت به‌گوێره‌ی بنچینه‌ی FRAND كه پشكه‌كان به‌گوێره‌ی پێویست ده‌بێت بێ زیاده‌ڕۆیی.
ليست هناك تعليقات:
إرسال تعليق