ئۆتۆمبێله كاره‌بایه‌كان خه‌ریكه به‌كارهێنه‌ری زۆرتر به‌دوری خۆی كۆده‌كاته‌وه چونكه نرخه‌كه‌ی دابه‌زیوه و تواناشی زیاتر بووه ده‌توانێ به‌ره‌و شوێنی دوور بڕوات به یه‌ك بارگاویكردنه‌وه. گرنگه تۆ دڵنیابی له‌وه‌ی كه بۆ شوێنێكی دوور ده‌ڕۆیت له‌ڕێگا تووشی ئه‌مه نه‌بیت كه ئۆتۆمبێله‌كه‌ت ووزه‌ی تیانه‌مێنێ و وێستگه‌ی بارگاویكردنه‌وه‌ش نه‌بێ له‌ڕێگا ناچاربیت له‌لایه‌ك بوه‌ستی، ئه‌و ئۆتۆمبێله كاره‌باییانه‌ی به ووزه‌ی خۆر بارگاوی ده‌بنه‌وه ڕه‌نگه یارمه‌تیده‌ربن بۆ ئه‌و باره. بۆ ئه‌م مه‌به‌سته‌ش كۆمپانیایه‌كی تازه پێگه‌یشتوو له شاری میونخی ئه‌ڵمانیا خه‌ریكی تاقیكردنه‌وه‌ی ئۆتۆمبێلێكه كه توانای هه‌یه خۆی بارگاوی بكاته‌وه له‌كاتی لێخوڕینی.
ئه‌م كۆمپانیایه كه ناوی Sonso Motorsه له‌ساڵی 2016 سه‌ریهه‌ڵداوه، خه‌ریكی تاقیكردنه‌وه‌ی وه‌شانی كۆتایی سیسته‌می بارگاویكردنه‌وه‌ی تایبه‌ت به ئۆتۆمبێله‌كه‌یه‌تی Sion. ئۆتۆمبێلێكی كاره‌بایی ته‌واوه كه توانای بارگاویكردنه‌وه‌ی خۆی هه‌یه له‌كاتی لێخوڕینی.
ئۆتۆمبێلی سیۆن ته‌خته‌ی ووزه‌ی خۆر له‌خۆ ده‌گرێت له لاشه‌كه‌ی. نزیكه 330 خانه‌ی خۆری له‌سه‌ر سه‌قفی ئۆتۆمبێله‌كه هه‌یه، له‌گه‌ڵ بۆنیتی بزوێنه‌ر و هه‌ردوولای. سیسته‌می پاتریه‌كه‌ی ده‌توانێ تا 155 میل بڕوات به‌یه‌ك بارگاویكردنه‌وه. جگه له‌وه‌ی به‌هۆی ووزه‌ی خۆر بارگاوی ده‌بێته‌وه ده‌شتوانرێ به‌هۆی بارگاویكردنه‌وه‌ی ئاسایی بارگاویبكرێته‌وه، ته‌نانه‌ت به‌هۆی ئۆتۆمبێلی تریش بارگاوی ده‌كرێته‌وه. ئه‌مه‌ش ئاسانكاری زۆره بۆ شوفێر.
كۆمپانیای Sonos Motors ئامانجی وایه له‌نیوه‌ی دووه‌می ساڵی داهاتوو ده‌ست بكا به به‌رهه‌م هێنانی ئۆتۆمبێله‌كه‌ی. وه 5000 داواكاری هه‌یه بۆ ئۆتۆمبێله‌كه‌ی كه نزیكه‌ی 18 هه‌زار دۆلار تێچوویه‌تی.
ليست هناك تعليقات:
إرسال تعليق