باشترین لاپتۆپ و تابلێتەکانی کۆمپانیای مایکڕۆسۆفت

لەساڵی 2012 مایکڕۆسۆفت یەکەم ئامێری سورفەیسی دوو لە یەکی ڕاگەیاند، لەپاش ئەوەش بەردەوام بوو لەدەرکردنی وەشانی نوێ لە تابلێتە لاپتۆپیەکەی، هەر بەوەندەش نەوەستا بەڵکو هەستا بە دروست کردنی لاپتۆپ و کۆمپیوتەری سەرمێز کە توانی سەرنجی بەکارهێنەران بۆ لای خۆی ڕاکێشێت.

جوانی دیزاین و نایابی تایبەتمەندی ئامێرەکانی وایکرد سەرکەوتنێکی باش بەدەست بهێنێت لەسەر ئاستی ئەمریکا و هەموو جیهان.

بۆیە پێم خۆش بوو لەم بابەتە باشترین ئامێرەکانی بخەمەڕوو:

ئامێری Microsoft Surface Go

ئامێری Surface Go به‌هه‌نگاوی یه‌كه‌م داده‌نرێت بۆ ڕكابه‌ریكردنی بازاڕی تابلێت به‌گشتی و ئامێره‌كانی ئایپاد به‌تایبه‌ت.

ئامێره‌كه‌ به‌ یه‌كه‌ی چاره‌سه‌ری Intel Pentiumی نه‌وه‌ی حه‌وته‌م كارده‌كات و قه‌باره‌ی ڕونماكه‌ی 10 ئینجه‌ به‌ڕوونی 1800×1200 پێكسڵ و به‌وه‌ جیاده‌كرێته‌وه‌ كه‌ زۆر سوكه‌ و ته‌نكیه‌كه‌ی 8.3mm ده‌بێت.
بیرگه‌ی كاتی4GB له‌گه‌ڵ بیرگه‌ی ناوه‌كی 64GB ، هه‌ڵبژارده‌ی دووه‌م بیرگه‌ی كاتی 8GB بۆ وه‌شانی بیرگه‌ی ناوه‌كی 128GB . به‌ڵام سه‌باره‌ت به‌ پاتری ئه‌وا تا 9 كاتژمێر به‌رگه‌ی كاركردن ده‌گرێت و شوێنی ده‌رچه‌ی ده‌نگ و ده‌رچه‌ی یو ئێس بی تایپ سی و ده‌رچه‌ی بارگاویكردنه‌وه‌ی هه‌یه‌.
ئه‌م ئامێره‌ به‌چه‌ندین پاشگر ده‌وڵه‌مه‌ند كراوه‌، له‌وانه‌ ته‌خته‌ كلیل كه‌ ده‌توانی بۆ باری كۆمپیوته‌ری بیگۆڕێت (لاپتۆپ) . سه‌باره‌ت به‌ به‌رده‌ست بوون ئه‌وا 399 دۆلاربۆ وه‌شانی 64GB هه‌روه‌ها 549 دۆلار بۆ وه‌شانی 128GB.

ئامێری  Microsoft Surface Laptop 2

ئامێری سورفه‌یس لاپتۆپ 2 نوێكراوه‌ته‌وه‌ به‌ یه‌كه‌ی چاره‌سه‌ری ئینتێڵ له‌نه‌وه‌ی هه‌شته‌م بۆ ئه‌وه‌ی خێرایی به‌ڕێژه‌ی 85% له‌نه‌وه‌كانی پێشوو زیاتر بێت، له‌گه‌ڵ به‌رزكردنه‌وه‌ی له‌مسی ڕونما له‌سه‌ر لاپتۆپه‌كانی تر.

سه‌باره‌ت به‌تایبه‌تمه‌ندیه‌كان به‌گشتی زۆر نه‌گۆڕاون بۆیه‌ زۆریان باس نه‌كراوه‌، به‌ڵام له‌ڕووی دیزاینی ده‌ره‌وه‌ زۆر باشتر كراوه‌ و هه‌ڵگرتن و به‌كارهێنانی گونجاوه‌ بۆ ده‌سته‌كانت ، هه‌روه‌ها كیبۆرده‌كه‌شی نه‌رمتر كارده‌كات و ده‌نگی كه‌متره‌ ئه‌مه‌ش واده‌كات نووسین خۆش و بێ ده‌نگه‌ ده‌نگ بێت.

تایبه‌تمه‌ندیه‌كان:

ڕونما: هه‌مان قه‌باره‌ی 13.5 ئینجی هه‌یه‌. ڕوناكی زیاتره‌ به‌ڕێژه‌ی 38% وه‌ به‌رزكردنه‌وه‌ی ڕێژه‌ی ڕوونی بۆ 22% ئه‌مه‌ش به‌هۆی بوونی بیرگه‌ی ڕونما له‌جۆری ئینڤیدیا پاسكاڵ.
پاتری: تا 14.5 كاتژمێر كارده‌كات.
ده‌رچه‌: به‌داخه‌وه‌ شوێنی USB-C نیه‌ كه‌ زۆر پێویست بوو ده‌سته‌به‌ری بكردایه‌.
بیرگه‌ی كاتی: هه‌روه‌ك ده‌گوترێ له‌ 4 گێگاوه‌ ده‌ست پێده‌كات بۆ زیاتر.

داواكردن له‌دوێنێوه‌ ده‌ستی پێكردووه‌ له‌ 15ی ئه‌م مانگه‌ش ده‌گاته‌ ده‌ستی به‌كارهێنه‌ران، نرخه‌كه‌شی پێده‌چێت له‌ 999 دۆلار ده‌ست پێبكات.

ئامێری  Microsoft Surface Pro 6

كۆمپانیای مایكڕۆسۆفت ئامێری Surface Pro 6 به‌ یه‌كه‌ی چاره‌سه‌ری نه‌وه‌ی هه‌شته‌م له‌ ئینتێڵ ده‌ركرد به‌ ڕه‌نگی ڕه‌شی تایبه‌ت.
مایكڕۆسۆفت ئامێری Surface Pro 6ی به‌هه‌ڵبژارده‌ی تر بۆ ڕه‌نگ به‌رده‌ست كردووه‌ له‌وانه‌ سیلڤه‌ر و سوور و شین و ڕه‌شی تایبه‌ت بۆ ئه‌م وه‌شانه‌ نوێیانه‌.
ئه‌م ئامێره‌ به‌وه‌ جیاده‌كرێته‌وه‌ كه‌ چڕی ڕونماكه‌ی 267 پێكسڵه‌ بۆ هه‌ر ئینجێك، بیرگه‌ی كاتیه‌كه‌ی 16 گێگابایته‌، له‌گه‌ڵ بیرگه‌ی ناوه‌گی 1 TB له‌جۆری SSD.
مایكڕۆسۆفت ده‌ڵێت كه‌ تابلێتی Surface Pro 6 زۆر باشتر كراوه‌ له‌نه‌وه‌ی پێشتر به‌ڕێژه‌ی 67%.
پاتری Surface Pro 6 پشتگیری له‌بارگاویكردنه‌وه‌ی خێرا ده‌كات و تا 13.5 كاتژمێر به‌رگه‌ ده‌گرێت، كێشه‌كه‌ی 1.7 پاوه‌نده‌، هه‌روه‌ها مایكڕۆسۆفت ده‌ڵێت كه‌ دوو هێنده‌ی ئامێری MacBook Air به‌هێزتره‌.
له‌شازده‌ی ئه‌م مانگه‌وه‌ به‌رده‌ست ده‌بێت به‌نرخی 899 دۆلار.

ئامێری  Microsoft Surface Book 2

ئەم ئامێرە تاکە ئامێرە کە دەتوانی بە دوو شێوە بەکاریبهێنیت، چ وەکو لاپتۆپ یان وەکو تابلێتێکی تەواو تەنها ڕونما. تەنها ئامێریشە دوو هەڵبژاردەی قەبارەی ڕونمای هەبێت، ئەوانێش ڕونمای 13.5 ئینج بەڕوونی 3,000 بە 2,000 یان قەبارەی 15 ئینج بەڕوونی 3,240 بە 2,160 ، هەردوکیان بیرگەی ناوەکی 256GB یان 512GB یان 1TB لەجۆری SDD. پاتریەکەشی تا 17 کاتژمێر خۆی دەگرێت.
ئەگەر ڕونمای 13.5 هەڵبژارد دەتوانی بیرگەی کاتی 8GB یان 16GB لەگەڵ یەکەی چارەسەری Intel Core i5 لە نەوەی هەفتەم یان Core i7  لە نەوەی هەشتەم، بیرگەی ڕونما لەجۆری NVIDIA GeForce GTX 1050 بۆ مۆدێلی i7.
وەشانی i5 کێشەکەی 3.38 پاوەند دەبێت و وەشانی i7 کێشەکەی 3.62 پاوەند دەبێت.

ڕونما 15 ئینجەکە تەنها بیرگەی 16GBی هەیە لەگەڵ Core i7 لە نەوەی هەشتەم و بیرگەی رونما لەجۆری NVIDIA GeForce GTX 1060 دەبێت، کێشی 4.20 پاوەندە. 
هەردوو وەشان دەرچەی USB Type-C و دوو شوێنی بارگاویکردنەوەی هەیە، لەگەڵ 3.5mm headphone jack و شوێنی SD ، کامێرای پێشەوە و پشتەوەی 8MP ،  دوو مایکڕۆفۆن و بڵندگۆی ستریۆی هەیە.

وەشانی 13.5 ئینج دەست پێدەکات لە $1,499 هەروەها وەشانی 15 ئینج لە $2,499 دەست پێدەکات.