لینۆڤۆ به‌فه‌رمی ڕێكلامی بۆ ئامێرێكی چوار كامێرا كرد

ئه‌مڕۆ لێنۆڤۆ هه‌ندێك ڕاگه‌یاندنی سه‌رنجڕاكێشه‌ری بڵاوكرده‌وه‌، كه‌ چوار كامێرا به‌یه‌كه‌وه‌ ده‌رده‌كه‌ون.

كۆمپانیاكانی مۆبایل ئه‌مساڵ به‌ره‌و دانانی چوار یان سێ كامێرا ده‌ڕۆن بۆ مۆبایله‌كانی داهاتوویان، لینۆڤۆش وه‌شانێكی ده‌بێت به‌چوار كامێرا.

به‌پێی ئه‌و شتانه‌ی له‌و ڕاگه‌یاندنه‌ ئاشكرا بووه‌ له‌لایه‌ن چانگ چینگی جێگری سه‌رۆكی كۆمپانیای لێنۆڤۆ، ئه‌وا وه‌شانێكی نوێی ده‌بێت بۆ كامێرایه‌كی چواری شێوه‌ چوارگۆشه‌.

بێگومان ڕاگه‌یاندنه‌كه‌ زۆر شت ئاشكرا ناكات، به‌ڵام پێده‌چیت بۆ مۆبایلێكی زیره‌ك بێت، له‌به‌رامبه‌ر ڕكابه‌ریكردنی ڕاسته‌وخۆی مۆبایله‌ چاوه‌ڕوانكراوه‌كه‌ی سامسۆنگ Galaxy A9s له‌ 11ی مانگی 10.

هه‌روه‌ها شێوه‌ی كامێراكه‌ زۆر له‌هی هواوه‌ی مه‌یت 20ی داهاتوو ده‌كات كه‌ ئه‌ویش له‌مانگی 10 ده‌رده‌چێت.

لێنۆڤۆ كاتی كۆنفڕاسه‌كه‌ی ئاشكرا نه‌كردووه‌، به‌ڵام به‌پێی ڕاگه‌یانه‌كه‌ بێت ئه‌ویش ده‌بێت له‌مانگی 10 بێت.