با ڕووبه‌ڕووی ئه‌و شته ببینه‌وه، كاتێك دێینه سه‌ر بڕیاردان بۆ كڕینی ته‌له‌ڤزیۆن، ئه‌وا قه‌باره و ڕوونیه‌كه‌ی له‌هۆكاره هه‌ره گرنگه‌كانن، ئه‌مه‌ش هۆكاری یه‌كه‌می ناسینی ته‌له‌ڤزیۆنه‌كانه. به‌ڵام ئه‌ی چی له‌باره‌ی ڕوونی ده‌نگ؟ بۆ ئه‌وانه‌ی گرنگی به‌ده‌نگ ده‌ده‌ن، له‌وانه‌یه كۆمپانیای Philips ته‌له‌ڤزیۆنێكی نوێی هه‌بێت سه‌رنجی ئه‌وان بۆ خۆی ڕابكێشێت.
ئه‌م ته‌له‌ڤزیۆنه نوێیه ناوی Philips OLED 903یه، كه كۆمپانیا یابانیه‌كه له‌پێشانگای IFA 2018 له‌پایته‌ختی به‌رلینی ئه‌ڵمانیا ڕایگه‌یاند. كه قه‌باره‌كه‌ی 65 ئینجه و پێشكه‌وتووترین ته‌له‌ڤزیۆنی كۆمپانیاكه‌یه، ده‌توانی چاوه‌ڕوانی هه‌موو تایبه‌تمه‌ندیه‌كی لێ بكه‌یت.
به‌شێكی زیاد له‌خواره‌وه‌ی ته‌له‌ڤزیۆنه‌كه هه‌یه تایبه‌ته به بڵندگۆ كه زۆر ده‌نگێكی باشی هه‌یه به‌هاوكاری له‌گه‌ڵ كۆمپانیای Bowers & Wilkins پێشی خستووه. ته‌نها بڵنگۆیه‌كی ساده نیه به‌ڵكو تایبه‌تمه‌نمدی وای بۆ دانراوه كه ده‌نگێكی زۆر نایابی هه‌بێت، یارمه‌تیده‌رێكیشی بۆ دانراوه بۆ زیاتر به‌رجه‌سته كردنی ئه‌و ده‌نگه.
هه‌ر له‌ناوه‌كه‌ی دیاره كه تایبه‌تمه‌ندی OLED له‌خۆ ده‌گرێت له‌گه‌ڵ یه‌كه‌ی چاره‌سه‌ری Philips P5 كه دروستكراوه بۆ باشتركردنی وێنه‌ی سه‌ر ته‌له‌ڤزیۆنه‌كه. له‌گه‌ڵ ئه‌مانه‌ش ، به وه‌گه‌ڕخه‌ری Android TV كارده‌كات، پشتگیری له تایبه‌تمه‌ندی HDR10 و HLG و +HDR10 ده‌كات، هه‌روه‌ها ڕووناكی له‌پشته‌وه‌ی هه‌یه كه جوانیه‌كی تر به‌ته‌له‌ڤزیۆنه‌كه ده‌به‌خشێت له‌تاریكیدا.
به‌م هه‌موو تایبه‌تمه‌ندیه، سه‌یر نابێت كه نرخه‌كه‌ی 3500 جونه‌یهی ئه‌سته‌رلینی بێت بۆ وه‌شانی 65 ئینج.
ليست هناك تعليقات:
إرسال تعليق