مایكڕۆسۆفت كۆمپیوته‌ره‌ خه‌یاڵیه‌كه‌ی بۆ دیزاینه‌ران به‌فه‌رمی ڕاگه‌یاند

مایكڕۆسۆفت جگه‌ له‌ تابلێتی Surface Pro 6 كه‌ له‌بابه‌تی پێشتر باسمانكرد، هه‌ر له‌هه‌مان كۆنفڕانس ئامێری ئۆفیسی Surface Studio به‌ناوی Surface Studio 2 ئاشكرا كرد.

كۆمپیوته‌ری Surface Studio 2ی نوێ خاڵی لێكچوی زۆره‌ له‌گه‌ڵ نه‌وه‌ی پێشتر، به‌ڵام به‌خێراترین ئامێری سورفه‌یس داده‌نرێت.

تایبه‌تمه‌ندیه‌كانی

ڕونما: قه‌باره‌كه‌ی 28 ئینجه‌ به‌چڕی 13.5 ملیۆن پێكسڵ ، هه‌روه‌ها ڕووناكیه‌كه‌ی به‌ ڕێژه‌ی 38 له‌سه‌د له‌نه‌وه‌ی پێشتر زیاتره‌ ، ئه‌مه‌ش واته‌ 500  شه‌معۆكه‌ له‌نه‌وه‌ی پێشتر زیاتره‌، وه‌ ڕوونی به‌ڕێژه‌ی 22 له‌سه‌د زیاتره‌ له‌گه‌ڵ هه‌موو ئه‌مانه‌شدا پشتگیریی له‌ پله‌به‌پله‌ی ڕه‌نگی DCI-P3 ده‌كات. هه‌روه‌ها به‌بێ كێشه‌ كار به‌ ئامێری Surface Dial ده‌كات كه‌ یارمه‌تی ده‌ره‌ بۆ دیزاینه‌ران.

یه‌كه‌ی چاره‌سه‌ر: له‌جۆری ئینتێڵ كابی له‌یك i7 

بیرگه‌ی كاتی: 16 گێگابایت

بیرگه‌ی ناوه‌كی: 2 تێڕابایت له‌جۆری خێرای SSD 

بیرگه‌ی ڕونما (كارتی شاشه‌): له‌جۆری Nvidiaیه‌ و له‌سه‌ر بنیاتی ئه‌ندازه‌یی Pascalه‌.

نرخ: له‌ 3499 دۆلار ده‌ست پێده‌كات و ئیستا ده‌توانی پێشوه‌خت داوای بكه‌یت.