باشترین چوار لاپتۆپ بۆ كاری مۆنتاژ

مۆنتاژكردن كارێكی زه‌حمه‌ته‌. چه‌نده‌ها كاتژمێر ڤیدیۆ تۆمارده‌كه‌یت، كاتێك دێیته‌ ماڵه‌وه‌ ده‌بینیت ناتوانی مۆنتاژیان بكه‌یت. به‌هێزترین كۆمپیوته‌ریش تووشی بارگرانی ده‌بێت به‌هۆی مۆنتژكردنه‌وه‌، بۆیه‌ چیت پێویسته‌ بۆ ئه‌و كاره‌؟

فه‌رموو ئه‌وه‌ چوار باشترین لاپتۆپ بۆ ئه‌و كاره‌ی تۆ پێویستته‌، بۆ هه‌ردوو نه‌رمه‌واڵه‌ی Adobe Premiere Pro و Apple Final Cut. له‌ ساده‌وه‌ بۆ ئاڵۆز، ده‌توانیت ئامێرێكی گه‌ڕۆكت ده‌ستبكه‌وێت بۆ مۆنتاژكردنی ڤیدیۆ. 

ڕه‌قه‌كاڵا پێویسته‌كانی مۆنتاژكردن 

پێش كڕینی هه‌ر ئامێرێك، گرنگه‌ بزانیت كه‌ چیت پێویسته‌. ئه‌گه‌ر پێویستت به‌ ڤیدیۆی ساده‌ی ماڵه‌وه‌یه‌، ئه‌وه‌ پێویستت به‌تایبه‌تمه‌ندی زۆر به‌رز نیه‌ به‌راوورد به‌ ڤیدیۆی 4K.
وه‌كو یاسایه‌كی گشتی پێویستیت به‌یه‌كه‌ی چاره‌سه‌ری باش هه‌یه‌ هه‌روه‌ك بیرگه‌ی كاتیش له‌به‌رامبه‌ردا پێویسته‌. بیرگه‌ی گڕافیك یارمه‌تیده‌ره‌ بۆ ئه‌و كاره‌ ، به‌ڵام مه‌رجێكی سه‌ره‌كی نیه‌ بۆ كاری مۆنتاژ. بیرگه‌ی ناوه‌كی له‌جۆری SSD یارمه‌تیده‌رێكی باشه‌ بۆ پڕۆسه‌ی مۆنتاژكردن، به‌ڵام بیرگه‌ی ناوه‌كی له‌جۆری HDD شوێنێكی زیاترت پێده‌به‌خشێت بۆ فایله‌كانت وه‌به‌ نرخێكی هه‌رزانتر.

تایبه‌تمه‌ندی به‌رز نرخێكی به‌رزیشی هه‌یه‌ ، هه‌رچۆنێك بێت. ته‌نها ئامێره‌ گرانه‌كان نین كه‌ بۆ ئه‌و كاره‌ ده‌گونجێن، به‌ڵام زۆربه‌ی كات قه‌باره‌یان گه‌وره‌یه‌ و كێشیان قورسه‌. بۆیه‌ ناتوانی لاپتۆپێكی ته‌نك و سوك به‌نرخێكی گونجاو بكڕیت.

1. Apple Final Cut Pro Budget: 13-Inch MacBook Pro

نه‌رمه‌واڵه‌ی Final Cut Pro  كه‌ ته‌نها له‌سه‌ر كۆمپیوته‌ری ئه‌پڵ كارده‌كات، هه‌ڵبژاردنه‌كان له‌مه‌یان زۆر كه‌مه‌ به‌تایبه‌ت كاتێك دییته‌ سه‌ر نرخ.
ماكبوك و ماكبوك ئێر له‌هه‌موو لاپتۆپه‌كانی تر گونجاوترن له‌ڕووی نرخ، به‌ڵام كاتێكی زۆرت پێده‌چێت له‌كاتی مۆنتاژكردندا. ڕونمای بچوك و یه‌كه‌ی چاره‌سه‌ری ئاست نزم كێشه‌ی زۆرت بۆ دروست ده‌كه‌ن.

به‌ڵام لاپتۆپی 13-inch, 2017 MacBook Pro به‌بێ ته‌چباڕ شتێكی باشه‌ له‌نێوان نرخی گونجاو و تایبه‌تمه‌ندی باش به‌مشێوه‌یه‌:

یه‌كه‌ی چاره‌سه‌ر: له‌جۆری dual-core Intel i5 processor به‌له‌ره‌له‌ری 2.3GHz 

بیرگه‌ی كاتی: 8GB له‌جۆری LPDDR3 

بیرگی ناوه‌كی: 128GB SSD

یان  ده‌توانی تایبه‌تمه‌ندی به‌رزتر به‌ده‌ست بێنیت:

یه‌كه‌ی چاره‌سه‌ری: Core i7 processor

بیرگه‌ی كاتی: 16GB

به‌ڵام نرخه‌كه‌شی زۆر به‌رزتر ده‌بێته‌وه‌. له‌گه‌ڵ هه‌موو ئه‌مانه‌ش چاوه‌ڕێی ئه‌وه‌ مه‌كه‌ كه‌ هه‌موو شتێكت بۆ به‌باشی ئه‌نجام بدات، كاتێك ڤیدیۆی 4K یان ئیفێكتی زۆر به‌كاردێنیت ئه‌وا پێویستیت به‌لاپتۆپی ئاست به‌رزتر هه‌یه‌.

2. Apple Final Cut Pro Premium: 15-Inch Macbook Pro

ئه‌مه‌ لاپتۆپێكی نایابی ئه‌پڵه‌ ، ده‌توانیت نزیكه‌ی هه‌موو كارێكی پێبكه‌یت، ئه‌م لاپتۆپه‌ به‌ڕاستی سه‌رسوڕهێنه‌ره‌. تایبه‌تمه‌ندیه‌كانی:

یه‌كه‌ی چاره‌سه‌ر: له‌جۆری six-core Intel i7 processor به‌له‌ره‌له‌ری 2.6GHz 

بیرگه‌ی كاتی: 16GB له‌جۆری DDR4 

بیرگه‌ی گڕافیك: Radeon Pro 560X GPU

بیرگی ناوه‌كی: 512GB SSD

یان  ده‌توانی تایبه‌تمه‌ندی به‌رزتر به‌ده‌ست بێنیت:

یه‌كه‌ی چاره‌سه‌ری: Core i9 processor

بیرگه‌ی كاتی: 32GB

3. Adobe Premiere Pro Budget: Lenovo Yoga 720

ئه‌گه‌ر ده‌ته‌وێت نه‌رمه‌واڵه‌ی Adobe Premiere Pro به‌كاربهێنیت بۆ مۆنتاژ، ئه‌وه‌ ده‌توانی واز له‌ئه‌پڵ بێنیت و كۆمپیوته‌رێكی ئاسایی كه‌ به‌ ویندۆز كارده‌كات بكڕیت (به‌كارهێنه‌رانی لینۆكس ناتوانن ئه‌دۆبی كریتیڤ كلۆود به‌كاربێنن).

كۆمپانیای Adobe نه‌رمه‌واڵه‌كانی زۆر به‌باشی نه‌گونجاندووه‌ له‌گه‌ڵ وه‌گه‌ڕخه‌ری ویندۆز به‌راوورد به‌ه‌وه‌ی له‌ئه‌پڵ كارده‌كات، بۆیه‌ پێویستیت به‌تایبه‌تمه‌ندی زۆر زیاتره‌ تا بتوانی بێ كێشه‌ كاری مۆنتاژ بكه‌یت. هه‌واڵی خۆش ئه‌وه‌یه‌ پارچه‌كانی ئه‌و لاپتۆپانه‌ی كه‌ به‌ ویندۆز كارده‌كه‌ن هه‌رزانترن. 

هه‌ڵبژاردنێكی ئابووری ، ئه‌ویش لاپتۆپی  Lenovo Yoga 720 شتێكی زۆر باش و گونجاوه‌. تایبه‌تمه‌ندیه‌كانی:

یه‌كه‌ی چاره‌سه‌ر: له‌جۆری Dual-core Intel i5

بیرگه‌ی كاتی: 8GB له‌جۆری DDR4 

بیرگه‌ی گڕافیك: Nvidia GeForce GTX 1050 GPU

بیرگی ناوه‌كی: 256GB SSD

ئه‌مه‌ش زۆر سنوور به‌ندت ده‌كات ، یان  ده‌توانی تایبه‌تمه‌ندی به‌رزتر به‌ده‌ست بێنیت به‌ڵام قه‌باره‌ی ڕونماكه‌ش گه‌وره‌تر ده‌بێت ده‌بێته‌ 15 ئینج ئه‌ویش 730یه‌ له‌گه‌ڵ:

یه‌كه‌ی چاره‌سه‌ری: Core i7 processor - 4Core

بیرگه‌ی كاتی: 16GB

بیرگی ناوه‌كی: 512GB SSD

له‌گه‌ڵ ڕونمای:  4K Ultra HD

4. Adobe Premiere Pro Premium: Dell XPS 15

ئه‌گه‌ر بۆ لاپتۆپێكی زۆر تایبه‌تمه‌ند و ئاست به‌زر ده‌گه‌ڕێیت ئه‌وه‌ Dell XPS 15 باشترین هه‌ڵبژارده‌یه‌.

نرخه‌كه‌ی نیوه‌ی نرخی MacBook Proیه‌. ده‌توانی به‌م تایبه‌تمه‌ندیانه‌ به‌ده‌ستی بهێنیت:

یه‌كه‌ی چاره‌سه‌ر: له‌جۆری Intel i9 6-core

بیرگه‌ی كاتی: 32GB 

بیرگه‌ی گڕافیك: Nvidia GeForce GTX 1050Ti GPU

بیرگی ناوه‌كی: 2TB SSD

له‌گه‌ڵ ڕونمای:  4K Ultra HD ی له‌مس

ئه‌گه‌ر تۆزێك تایبه‌تمه‌ندی كه‌مترت ده‌وێ هه‌ر له‌مه‌ ئه‌وه‌ به‌م تایبه‌تمه‌ندیانه‌ش هه‌یه‌

یه‌كه‌ی چاره‌سه‌ری: Core i7 processor - 6Core

بیرگه‌ی كاتی: 32GB

بیرگی ناوه‌كی: 1TB SSD

بیرگه‌ی گڕافیك: GTX 1050Ti GPU

له‌گه‌ڵ ڕونمای: 1080P له‌مس نیه‌