گوگڵ ئامێری Pixel Slate به‌رده‌ست ده‌كات بۆ داواكردنی پێشوه‌خته كه له 22ی ئه‌م مانگه ده‌گاته ده‌ستی به‌كارهێنه‌ران، وه‌شانی یه‌كه‌می به‌نرخی 599 دۆلار ده‌فرۆشرێت.
له‌هه‌ردوو بازاڕی گوگڵ و Best Buy له‌سه‌ر تۆڕی ئینته‌رنێت به‌رده‌ست ده‌بێت.
وه‌شانی یه‌كه‌م له‌م ئامێره به یه‌كه‌ی چاره‌سه‌ری Celeron و بیرگه‌ی كاتی 4 گێگابایت ، وه بیرگه‌ی ناوه‌كی 32 گێگابایت به‌نرخی 599 دۆلار ده‌فرۆشرێت، وه‌شانی به‌رزتر به‌نرخی 699 دۆلار ده‌بێت.
هه‌روه‌ها وه‌شانێكی تر هه‌یه به‌یه‌كه‌ی چاره‌سه‌ری Core m3 له‌گه‌ڵ بیرگه‌ی كاتی 8 گێگابایت، وه بیرگه‌ی ناوه‌كی 64 گێگابایت به‌نرخی 799 دۆلار.
بۆ وه‌شانی به‌رزتر به‌یه‌كه‌ی چاره‌سه‌ری i5 و بیرگه‌ی ناوه‌كی 128 گێگابایت و بیرگه‌ی كاتی 8 گێگابایت به‌نرخی 999 دۆلار، به‌رزترین وه‌شانیش به‌یه‌كه‌ی چاره‌سه‌ری i7 و بیرگه‌ی كاتی 16 گێگابایت و بیرگه‌ی ناوه‌كی 256 گێگابایت به‌نرخی 1599 دۆلار.
جێی ئاماژه‌یه گوگڵ ڕووبه‌ڕووی ڕكابه‌ری به‌هێز ده‌بێته‌وه پاش ڕاگه‌یاندنی ئایپاد پڕۆی تازه له‌لایه‌ن ئه‌پڵه‌وه كه ئامێرێكی زۆر نایابه و توانایه‌كی زۆری هه‌یه.
ليست هناك تعليقات:
إرسال تعليق